Էլեն Մարգարյանը մասնագիտացված է քրեական իրավունքի ոլորտում։
2018-2024 թվականներին սովորել է Հայաստանում Ֆրանսիական համալսարանում՝ ստանալով իրավագիտության բակալավրի, ապա մագիստրոսի աստիճան՝ միջազգային մասնավոր, միջազգային համեմատական իրավունք մասնագիտացմամբ։
2024 թվականից ուսումնառությունը շարունակում է Ֆրանսիայի Պանթեոն-Ասսաս համալսարանում (Փարիզ 2)՝ Մարդու իրավունքներ և միջազգային մարդասիրական իրավունք մասնագիտացմամբ մագիստրոսական ծրագրի շրջանակներում։
Էլեն Մարգարյանն ուսումնառության ընթացքում մասնակցել է մի շարք դասընթացների և դատախաղերի, այդ թվում՝ Երևանի պետական համալսարանի և Միջազգային իրավական համագործակցության գերմանական հիմնադրամի (IRZ) կողմից կազմակերպված՝ քրեական իրավունքի և քրեական դատավարության հիմնախնդիրներին նվիրված դատախաղին, Վիլլեմ Ս․ Վիսի անվան՝ Միջազգային առևտրային արբիտրաժին նվիրված դատախաղին (Վիեննա) որպես մասնակից, այնուհետև՝ որպես մարզիչ։
2022 թվականին պրակտիկա է անցել Արդարադատության և իրավունքի տանը (Փարիզ, Ֆրանսիա)։
Աշխատանքային փորձառությունը սկսել է ՀՀ վճռաբեկ դատարանի հակակոռուպցիոն պալատում՝ որպես դատավորի օգնական, ապա զբաղեցրել ՀՀ գլխավոր դատախազի օգնականի պաշտոնը։
Ներկայումս Ֆրանսիայում ուսումնառությանը զուգահեռ հանդիսանում է Ֆիդելիսի իրավախորհրդատու։
Բիզնեսի համար
Ձեր ընկերության կորպորատիվ բոլոր պրոցեսներն անվտանգ և ապահով իրականացնելու համար բոլոր ծառայություններն այստեղ։
Մենք իրականացնում ենք
- Ընկերության գրանցման իրավաբանական ուղեկցում՝ այդ թվում՝ հիմնադիր փաստաթղթերի կազմում և պետական գրանցումն իրականացնող մարմնին դրանց ներակայացում։
- Ընթացիկ իրավաբանական խորհրդատվության տրամադրում։
- Ընկերության ընթացիկ գործունեության համար անհրաժեշտ պայմանագրերի և այլ փաստաթղթերի կազմում, բանակցությունների վարում կոնտրագենտների հետ։
- Ընկերությունների վերակազմակերպման, միացման և միաձուլման (М&А), կապիտալի ավելացման, բաժնետոմսերի թողարկման, կոնսոլիդացիայի հետ կապված ծառայությունների մատուցում։
- Ներպետական և անդրսահմանային գործարքների հետ կապված ծառայությունների մատուցում։
- Ձեռք բերման կամ օտարման գործարքների/անշարժ գույք, թանկարժեք այլ գույքեր, ընկերություններում մասնակցություններ, բաժնեմասեր, արժեթղթեր/իրավաբանական ուղեկցում։
- Ընկերության իրավաբանական բլոկի պատշաճ ուսումնասիրություն (legal due diligence)։
- Ընկերության կորպորատիվ քարտուղարության իրավական ուղեկցում (այդ թվում՝ ընկերության կառավարման մարմինների նիստերի արձանագրությունների, քաղվածքների, որոշումների կազմման իրավական ուղեկցում (իրավական տեխնիկայի կանոնների պահպանում), դրանց օրինակելի ձևերի մշակում և այլն):
- Ընկերության գործունեությանն առնչվող ներքին և անհատական իրավական ակտերի մշակում, իրավական ակտերում փոփոխությունների կատարում:
- Ընկերության շահերի ներկայացում տնտեսական մրցակցության պաշտպանության բնագավառում:
- Որոշակի և հատուկ հարցերի վերաբերյալ իրավաբանական եզրակացությունների կազմում և տրամադրում:
- Ընկերության կողմից իրականացվող գործունեության ոլորտի իրավական խնդիրների վերաբերյալ խորհրդատվության տրամադրում:
- Ընկերության կողմից ներդրվող պրոդուկտների վերաբերյալ իրավական կարծիքի տրամադրում:
- Հարկային իրավախորհրդատվություն:
- Աշխատանքային իրավահարաբերություններին առնչվող փաստաթղթեր՝ ներքին իրավական ակտեր, աշխատանքային պայմանագրերի կազմում:
Փաստաբաններ
Տվյալ իրավունքի լավագույն մասնագետները
Պատվիրել Խորհրդատվություն
Մեր մասնագետները կպատասխանեն ձեզ հետաքրքրող հարցերին․