Օտարերկրյա Քաղաքացիների Համար

Գրիգոր Մղդեսյանը մասնագիտացած է քրեական իրավունքի ոլորտում։

Աշխատանքային գործունեությունը սկսել է 2011 թվականից։ Աշխատել է ՀՀ ոստիկանության քննչական գլխավոր վարչության ենթակա ստորաբաժանումներում, հանդիսացել է քննիչ, ապա` ավագ քննիչ։ Ստացել է արդարադատության երրորդ դասի խորհրդականի կոչում։

2017-ից 2019 թվականներին աշխատել է նաև ՀՀ հատուկ քննչական ծառայությունում՝ որպես ՀԿԳ քննիչ։

Ապա 2019-ից 2021 թվականներին հանդիսացել է ՀՀ քննչական կոմիտեի Կենտրոն և Նորք-Մարաշ վարչական շրջանների քննչական բաժնի պետի տեղակալը։

2021-ից 2024 թվականն աշխատանքային գործունեությունը իրականացրել է ՀՀ դատախազությունում՝ որպես զինվորական գործերով դատախազ:

2025 թվականից հանդիսանում է Փաստաբանների պալատի անդամ, պաշտպանում է հաճախորդների շահերը բոլոր տեսակի քրեական գործերով։

Էլեն Մարգարյանը մասնագիտացված է քրեական իրավունքի ոլորտում։
2018-2024 թվականներին սովորել է Հայաստանում Ֆրանսիական համալսարանում՝ ստանալով իրավագիտության բակալավրի, ապա մագիստրոսի աստիճան՝ միջազգային մասնավոր, միջազգային համեմատական իրավունք մասնագիտացմամբ։
2024 թվականից ուսումնառությունը շարունակում է Ֆրանսիայի Պանթեոն-Ասսաս համալսարանում (Փարիզ 2)՝ Մարդու իրավունքներ և միջազգային մարդասիրական իրավունք մասնագիտացմամբ մագիստրոսական ծրագրի շրջանակներում։
Էլեն Մարգարյանն ուսումնառության ընթացքում մասնակցել է մի շարք դասընթացների և դատախաղերի, այդ թվում՝ Երևանի պետական համալսարանի և Միջազգային իրավական համագործակցության գերմանական հիմնադրամի (IRZ) կողմից կազմակերպված՝ քրեական իրավունքի և քրեական դատավարության հիմնախնդիրներին նվիրված դատախաղին, Վիլլեմ Ս․ Վիսի անվան՝ Միջազգային առևտրային արբիտրաժին նվիրված դատախաղին (Վիեննա) որպես մասնակից, այնուհետև՝ որպես մարզիչ։
2022 թվականին պրակտիկա է անցել Արդարադատության և իրավունքի տանը (Փարիզ, Ֆրանսիա)։
Աշխատանքային փորձառությունը սկսել է ՀՀ վճռաբեկ դատարանի հակակոռուպցիոն պալատում՝ որպես դատավորի օգնական, ապա զբաղեցրել ՀՀ գլխավոր դատախազի օգնականի պաշտոնը։
Ներկայումս Ֆրանսիայում ուսումնառությանը զուգահեռ հանդիսանում է Ֆիդելիսի իրավախորհրդատու։

Ժենի Պողոսյանը հանդիսանում է Ֆիդելիսի իրավախորհրդատուներից, ով մասնագիտացած է միգրացիոն, պայմանագրային, կորպորատիվ և մտավոր սեփականության իրավունքների ոլորտներում: Մասնագիտական գործունեության ընթացքում արդյունավետ իրավական օգնություն է ցուցաբերում բիզնեսին առնչվող ընթացիկ հարցերում, գործարքներում, պայմանագրային հարաբերություններում, ինչպես նաև ՀՀ-ում կացության կարգավիճակի ստացման ոլորտում։
Ժենի Պողոսյանը իրավագիտության բակալավրի աստիճան ստացել է Երևանի Պետական համալսարանում: Ուսանողական տարիներին հանդիսացել Ուսանողական գիտական ընկերության անդամ: Ուսումնառության ընթացքում մասնակցել է մի շարք մասնագիտական դասընթացների, պանելային քննարկումների: Տիրապետում է հայերեն, ռուսերեն և անգլերեն լեզուներին:
Այժմ սովորում է Երևանի պետական համալսարանի իրավագիտության ֆակլուտետում «Դատական իրավունք և փաստաբանություն» մագիստրոսական ծրագրով:

Մասնագիտացած է քրեական իրավունքի ոլորտում։
Կրթությունը ստացել է Հայաստանում ֆրանսիական համալսարան հիմնադրամում։ Ունի իրավագետի բակալավրի աստիճան։
Ուսումնառության ընթացքում Նարե Հոնարչյանը իրավական պրակտիկա է անցել ՀՀ մարդու իրավունքների պաշտպանի և ՀՀ նախագահի աշխատակազմերում։
Ներկայումս ուսանում է Երևանի Պետական Համալսարանի «Միջազգային դատարաններ և արբիտրաժ» մագիստրոսական ծրագրում։
Աշխատանքային փորձառությունը ձեռք է բերել մասնավոր ոլորտում՝ հանդիսանալով փաստաբանի օգնական:
2023 թվականից Նարե Հոնարչյանը հանդիսանում է ՀՀ փաստաբանների պալատի անդամ, փաստաբան։